المحنشة المغربية

المحنشة:

المقادير:

نصف كيلو كفتة متبلةنصف كيلو صدر الدجاج /الديك الرومي2 مخاخ غنمينصف كيلو كبدةنصف كيلو هبرة السمك

( ممكن الاستغناء على نوع من اللحوم أو 2 إن لم يتوفر لديك) كيلو من ورقة البسطيلة -
الخضر :ربع كيلو جزر – ربع كيلو كرعة خضراء – ربع كيلو ملفوف (مكور) : الكل محكوك غليظ - 2 بصلات مشلظين – المعدنوس مقطع رقيق – 100 غرام زيتون أخضر بدون عظم مقطع رقيق – حك طماطم مصبرة – زعيترة
التوابل :ملح – إبزار – كمون – فلفلة حمراء مطحونة - شوي الحرور - عصير حامضة - كأس كبير زيت المائدة - رأس ثوم - ضامة البنة كنور – باكيت كبير شعرية صينبة -للتزيين : 50 غرام فرماج محكوك و قطع الحامض

الطريقة:

أولا : طيبي اللحوم كل نوع لوحده مع شوي زيت و شوي بصل و شوي توابل و شوي طماطم مصبرة و الحرور و الثوم , وفي الأخير , أضيفي لكل نوع من اللحوم عصير الحامض و المعدنوس خارج النار, ما عاد المخ بدون بصل
ثانيا : رقدي الشعرية الصينية في الماء غليان مع الملح و كنور و الزعيترة ثم صفيها لما تبرد و قطعيها بالمقص
ثالثا : طيبي الخضر مع بعضها بعدما تحكيها غليظة مع الزيت و الملح و البصل و التوابل و الحرور وفي الأخير , أضيفي إليها المعدنوس و الزيتون و عصير الحامضرابعا : خلظي الشعرية مع كل نوع من اللحوم (كل واحد بوحدو): زيدي شوي شعرية مع كل واحد منها
خامسا : خذي ورقة البصطيلة وضعي عليها نوع من اللحوم مع الشعرية و لويها عل نفسها بحال البودان ثم دوريها بحال الثعبان. وضعيها فوق الورق السيلفيريزي مذهون , وسط صينية الفرن... خذي ورقة أخرى , ضعي عليها نوع آخر من اللحوم و الشعرية و لويها و حاولي تلصقيها مع المحنشة الأولى وسط الصينية ودوريها عليها . (ممكن تلصقيهم بالزبدة ذائبة أو أصفر البيض أو بالدقيق مخلط مع الماء . تابعي العملية بنفس التقنية مع تنويع اللحوم حتى الأخير ( مرة سمك – مرة كفتة – مرة كبدة ..إلخ
سادسا : شكلي محنشات صغيرة من الخضر و دوريهم على جوانب المحنشة الكبيرة ,ثم سقيهم بالزبدة ذائبة و دخليهم للفرن حتى يتحمر الكل
لما تخرجيها من الفرن , دردري عليها الفرماج محكوك و هي سخونة ثم زينيها بقطع الحامض
ملاحظة : ممكن تعوضي شكل المحنشة بالبسطيلة , يكفي استعمال طاوة البسطيلة ذات الحفر والتي تسمى بالوزانية. الطريقة : ضعي كل نوع من اللحوم داخل كل حفرة بعدما تفرشي فيها أوراق البصطيلة ثم جمعيها كالبصطيلة العادية و بالصحة و الراحة